Ավստրիայում կայացած Եվրախորհրդարանի ընտրություններում առաջատարը Ավստրիայի կանցլեր Սեբաստիան Կուրցի կուսակցությունն է: Ըստ էքզիթ փոլի տվյալների, Ավստրիայի ժողովրդական կուսակցության օգտին քվեարկել է ընտրողների 34.5 %-ը, հաղորդում է DW-ն:
Ավստրիայի Սոցիալ-դեմոկրատական կուսակցությունը ստանում է ձայների գրեթե քառորդը՝ 23.5%: Լավագույն եռյակը եզրափակում է աջ պոպուլիստական Ավստրիական ազատական կուսակցությունը՝ 17.5%:
Եվրախորհրդարանի ընտրությունները սկսվել են մայիսի 23-ին: 751 պատգամավոր ընտրելու հնարավորություն է ստացել Եվրոպական միության անդամ 28 երկրների 427 միլիոն ընտրող:
Ավելի վաղ, Ավստրիայի կանցլեր Կուրցը հայտարարել էր, որ դրական է վերաբերվում «Հյուսիսային հոսք-2» գազատարի կառուցմանը: Նա կարծիք էր հայտնել, որ եվրոպական երկրների համար կարևոր է, որքան հնարավոր է շատ մշտական էներգիայի աղբյուրներ ունենալ, իսկ «Հյուսիսային հոսք-2»-ը հնարավորություն կտա անխափան գազամատակարարում իրականացնել: Ավստրիայի արտաքին գործերի նախարարությունը հաղորդումն այն մասին, որ ԱՄՆ-ը կարող է պատժամիջոցներ սահմանել «Հյուսիսային հոսք-2»-ի վրա, «միջազգային իրավունքի տեսանկյունից կասկածելի» է անվանել: