Չինացի նկարիչ Գուո Օ Դոնգն աճուրդով նոութբուք է վաճառում, որում առկա են վեց համակարգչային վիրուսներ, որոնք աշխարհում ամենավտանգավորներից են համարվում: Վաճառքի համար նա կայք է ստեղծել, որտեղ ուղիղ հեռարձակվում է նոութբուքի աշխատանքը: Նախագիծը կոչվում է «Քաոսի մշտականություն»:
Տեղեկացվում է, որ WannaCry, ILOVEYOU, MyDoom, SoBig, DarkTequila և BlackEnergy վիրուսները մարդկությանն, ընդհանուր առմամբ, 95 միլիարդ դոլարի տնտեսական վնաս են հասցրել:
Նոութբուքի վաճառքի աճուրդը կավարտվի մայիսի 27-ին: Ներկա պահին լոտին ավելի քան 1.2 մլն դոլար է դրվել:
