Լոնդոնի հեղինակավոր Սոհո թաղամասի հայտնի The Coach & Horses փաբը նուդիստական է դարձել: Հաստատությունը մերկ այցելուներին սպասարկելու արտոնագիր է ստացել: Հայտնի է, որ 2006 թ.-ից ի վեր այն գործում է որպես վեգանների և բուսակերների համար նախատեսված փաբ:
Փաբը նուդիստական դարձնելու գաղափարն առաջացել է սեփականատիրոջ և նրա դստեր Հոլիի մոտ, դեռ 2011 թ.-ին, երբ նրանք օրացույց էին թողարկել, որի համար հաստատության աշխատակիցները մեկ էին նկարահանվել՝ ի նշան բողոքի տարածքի տիրոջ դեմ, որը չէր ցանկանում երկարաձգել վարձակալության ժամկետը: Քանի որ գարեջրի կետի սեփականատիրոջ՝ Ալասթեր Չոաթի խոսքերով, «բրիտանացիների մոտ ավանդույթ կա. մերկանալ կարիքի, հուսահատության և ինչ որ արժեքավոր բան պաշտպանելու փորձի ժամանակ»:
Օրացույցը լայն տարածում էր գտել, և փաբի տերն ամբողջ աշխարհից առաջարկներ էր ստանում այն վերածելու վայրի, որտեղ գարեջրի սիրահարները կարող են այցելել «ինչպես որ ծնվել են»: Այժմ փաբը Լոնդոնում առաջին հասարակական վայրն է, որտեղ միևնույն ժամանակ կարող են գտնվել մերկ կանայք և տղամարդիկ:
