Ինտիմ զուգընկերոջ կողմից բռնության ենթարկված կանանց գրեթե կեսը (47.9%) նշել է, որ իրենց նկատմամբ ինտիմ զուգընկերոջ կողմից ֆիզիկական բռնության ցուցաբերման որևէ հատուկ պատճառ չի եղել։ Պատճառները տարբեր են և առանձին պատճառների հարաբերական «կշիռը» կամ կարևորությունը փոփոխվում է շատ մեծ տիրույթում։ Ըստ կարևորության` դրանք բաժանվում են
մի քանի խմբի. խիստ անկարևոր պատճառներից են, երբ կինը անհնազանդ է եղել, մերժել է սեռական հարաբերությունը կամ թերացել է ուտելիք պատրաստելիս (համապատասխանաբար 2.5%, 3.4% և 3.1%)։ Հարցման մասնակիցների ավելի մեծ մասը տղամարդկանց աշխատավայրում դժվարությունները և իր ընտանիքում առկա խնդիրները համարում է բռնի վարքի պատճառ (համապատասխանաբար 5.7% և 6.8%)։ Տղամարդու ագրեսիայի էապես բարձր գերակշռությունը ծագում է անկայուն տնտեսական վիճակից, գործազրկությունից և ֆինանսական խնդիրներից: Հարցման յուրաքանչյուր տասներորդ մասնակիցը մատնանշել է զուգընկերոջ գործազուրկ կամ խանդոտ լինելը` որպես նրա բռնի վարքի պատճառ (համապատասխանաբար 10.1% և 10.6%)։ Դրամական խնդիրները զգալի թիվ են կազմում որպես պատճառ (18.2%)։ Տղամարդու` ոգելից խմիչք օգտագործելու հետ կապված խնդիրները առանձնանում են` որպես բռնի վարքի ամենակարևոր պատճառ։ Հարցման մասնակիցների մեկ երրորդը (33.0%) բռնի վարքը կապում է հարբածության հետ։
