«Սիրելի ընկերներ, կխնդրեի զերծ մնալ անհարկի շնորհավորանքներից, դա սկզբում առանձին մարդկանց անտեղյակություն համարեցի, սակայն կարճ ժամանակ անց պարզ դարձավ, որ Բարձրագույն դատական խորհրդի նախագահին իմ կողմից ժամանակավոր փոխարինելու մասին տեղեկությունը մարդիկ թյուրիմացաբար ընկալեցին իբրև առաջխաղացում, նոր նշանակում: Հարգելիներս ես ընդամենը օրենքի ուժով եմ փոխարինում նախագահին՝ մինչև նոր նախագահի ընտրությունը …»,- այս մասին ֆեյսբուքյան իր էջում գրել է ԲԴԽ նախագահի ժամանակավոր պաշտոնակատար Գևորգ Դանիելյանը։
Ավելի վաղ տեղեկացրել էինք, որ Բարձրագույն դատական խորհուրդը հաղորդագրություն է տարածել՝ հայտնելով, որ ԲԴԽ նախագահի պարտականությունները կկատարի Գևորգ Դանիելյանը:
