«Ազգային օրակարգ» կուսակցության համահիմնադիր Արա Հակոբյանը, «Առաջին լրատվական»-ի հետ զրույցում Ռ. Քոչարյանի խափանման միջոց կալանքը փոխելու վերաբերյալ ներկայացնելով իր դիիտարկումները՝ ոչ թե իրավական, այլ քաղաքական դիտանկյունից, նշեց. «Սահմանադրական կարգը տապալելու վերաբերյալ տարբեր դեպքեր են հիշում, այդ գործընթացի հետևանքով ունեցել ենք զոհեր, բանակի ներգրավման մասին է խոսվում, բայց եկեք հասկանանք, որ գործընթացում եղել են երկու կողմ, և այս կամ այն չափով երկու կողմն էլ փորձել է ներգրավել ուժային կառույցներ, օրինակ՝ ընդդիմադիր կողմը փորձել է ներգրավել փոխնախարարներին, և հայտարարություն է տարածվել Ազատության հրապարակում, որ պաշտպանության փոխնախարարները ներգրավվել են և աջակցում են ընդդիմադիր թեկնածուին, ընդդիմադիր թեկնածուն միարժեքորեն պնդել է, որ ինքը հաղթել է ընտրություններում, այդ դեպքում իշխանության թեկնածուն կամ մյուս թեկնածուները՝ ի դեմս Ա. Բաղդասարյանի կամ ՀՅԴ թեկնածուի, շատ քիչ ձայն պետք է հավաքած լինեին, բայց իրականությունն այդպիսին չէր: Կարծում եմ՝ այս դատավարությանը Մարտի 1-ի գործով դատավարություն ասելն այնքան էլ ճշգրիտ չէ, սա Ռ. Քոչարյանի գործով դատավարություն է, և փաստորեն դատաքննություն է ընթանում՝ պարզելու, թե ինչքանով է իրավաչափ գործել Ռ. Քոչարյանը: Հույս ունեմ դատարանն արդար և թափանցիկ դատաքննություն կիրականացնի»:
Արա Հակոբյանի խոսքով՝ իշխանության երկու թևերը գտնվում են «Իմ քայլի» ձեռքերում, դատական իշխանությունն իրենց տնօրինության ներքո չէ, այն համարում են հակահեղափոխական կողմը և ճնշում են գործադրում, ինչն անթույատրելի է: «Հիվանդ վիճակում է ընդհանուր պետական համակարգը՝ այդ թվում նաև դատական համակարգը, արմատական փոփոխությունների անհրաժեշտություն կա»,- նշեց Ա. Հակոբյանը: Նա նաև ընդգծեց, որ ներքաղաքական անկայունությունը մեծացնում է պատերազմի վերսկսման ռիսկայնությունը:
Մանրամասն՝ տեսանյութում:
