Ուկրաինայի հետաքննությունների պետական բյուրոն ևս մեկ գործ է հարուցել Պյոտր Պորոշենկոյի դեմ: Այդ մասին հայտնել է հանրապետության նախկին նախագահ Վիկտոր Յանուկովիչի վարչակազմի նախկին փոխղեկավար իրավաբան Անդրեյ Պորտնովը՝ գրում է RIA Novosti-ն:
Այս անգամ Պորոշենկոյին մեղադրում են «Կուզնյա նա Ռիբալսկոմ» գործարանը վաճառելիս 300 մլն դոլար գումարի հանցավոր եկամուտների օրինականացման մեջ:
Սա արդեն երրորդ գործն է նախկին նախագահի դեմ: Մայիսի 22-ին տեղեկատվություն տարածվեց, որ նրան կասկածում են «Ցենտրէներգո»-ում պաշտոնները բաշխելիս իշխանության և ծառայողական դիրքի չարաշահման մեջ:
Դրանից մեկ օր առաջ Պորոշենկոյին պետական դավաճանության մեջ են մեղադրել Կերչի նեղուցում տեղի ունեցած միջադեպի կապակցությամբ:
Նաև Ուկրաինայի նախկին նախագահը որպես վկա է ներգրավված մեկ այլ քրեական գործով, որը վերաբերում է Եվրոմայդանի ժամանակ մարդկանց զոհվելուն:
