Նարենդրա Մոդին խորհրդարանում կստանա տեղերի մեծամասնությունը:
Հնդկաստանի ներկայիս վարչապետ Նարենդրա Մոդիի Bharatia Janata Party կուսակցությունը հաղթում է երկրում ընթացող համընդհանուր ընտրություններում, հաղորդում է Associated Press-ը:
Հնդկաստանում ընտրություններն անցկացվել են վեց շաբաթ: Նախնական տվյալներով, BJP-ն այժմ առաջատարն է 542 ընտրատեղամասերից 299-ում (նույնքան թվով տեղեր կան երկրի խորհրդարանում), մինչդեռ նրա գլխավոր մրցակից «Հնդկաստանի ազգային կոնգրեսը»՝ ընդամենը 50-ում:
Այսպիսով, Bharatia Janata Party կուսակցությունը խորհրդարանում մեծամասնություն կստանա և Մոդին վարչապետ կնշանակվի առաջիկա հինգ տարիների համար:
«Միասին մենք աճում ենք, միասին զարգանում: Միասին մենք կկառուցենք ուժեղ և հզոր Հնդկաստան: Հնդկաստանը կրկին հաղթում է»,- գրել է Մոդին Twitter-ի իր էջում:
