«Այսօրվա դատական համակարգը չի կարողանում իր բեռը տանել՝ ծառայել Հայաստանի Հանրապետության ժողովրդին և ադեկվատ արձագանքել այսօր առկա մարտահրավերներին և խնդիրներին»,- «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Արման Բոշյանը:
Նրա խոսքով՝ իրենց խմբակցությունում քննարկել են իրավիճակը՝ հարցը շատ օպերատիվ և արագ հանգուցալուծելու համար. «Նշանակված են մարդիկ, որոնք գիտեն իրենց աշխատանքը, և առաջադրանքը հնարավորինս արագ իրականացվելու է»:
Դիտարկմանը՝ արդյոք իշխանությունը շտապողականություն չցուցաբերե՞ց դատարանների մուտքերը փակելով, մեր զրուցակիցն արձագանքեց. «Ես կարծում եմ՝ մենք մի փոքր դանդաղկոտություն ենք ցուցաբերել: Հեղափոխությունից հետո շատ հստակ արձանագրվեց, որ շտապողական քայլեր չեն լինելու ոչ մի ոլորտում, և ամբողջ կառավարման համակարգին ժամանակ տրվեց: Նույնիսկ մենք դա անվանեցինք ադապտացիոն շրջան: Եվ այդ ակնկալիքն ունեինք նաև դատական համակարգից, սակայն, ցավոք սրտի, դրա ականատեսը չեղանք»:
Պատգամավորի համոզմամբ՝ այժմ իրենք ճիշտ կետում են նոր գործընթաց սկսելու համար. «Եվ այդ գործընթացը մեկնարկել է»:
Առավել մանրամասն՝ տեսանյութում: