Լազուրյան ափերին շարունակվում է Կաննի կինոփառատոնը: Բացի աղմկոտ պրեմիերաներից, ինչպիսիք են «Ռոքեթմեն», «Ցավը և փառքը», «Կյանքի լավագույն տարիները», փառատոնի շրջանակում աստղային հյուրերը մասնակցում են երեկույթների:
Քվենթին Տարանտինոյի «Մի անգամ Հոլիվուդում» ֆիլմի պրեմիերայից հետո հայտնի մոդել Ադրիանա Լիման հայտնվել է Chopard-ի երեկույթին: Այս տարի հայտնիների շրջանում ակտուալ է սպիտակ գույնը: 37-ամյա մոդելի ընտրությունը կանգ է առել ավստրիացի նորաձևության դիզայներ Petar Petrov-ի սպիտակ կոստյումի վրա:
Ադրիանան հիանալի տեսք ուներ այդ կոստյումով, որտեղ պահպանված էին բոլոր թրենդային նրբությունները, օրինակ, լայնացող փեշերով տաբատը և մետաղյա կոճակը: Պարզ սև շապիկը անթերի համապատասխանում էր հանդերձանքին: Բարձրաշխարհիկ կերպարն ավելի կատարյալ դարձնելու համար Լիման վառ կարմիր շրթներկ էր ընտրել, իսկ հարթ մազերը հավաքել էր գլխի հետևում: