Լուրեր
Հեղափոխական համակարգը փլվում է. սաբոտաժնիկ դատական համակարգով պետք էր զբաղվել մեկ տարի առաջ

Դատական համակարգի վերաբերյալ վարչապետ Փաշինյանի ելույթի համատեքստում դատարանների մուտքն արգելափակելու նրա կոչը շարունակում է լինել հարցադրումների առարկա, թե արդյոք կարիք կա՞ր անելու այդպիսի քայլ՝ առավել ևս առաջացնելով Հայաստանի հանդեպ միջազգային հանրության քննադատության ռիսկ: Առերևույթ կոչն իսկապես թվում է անիմաստ՝ հաշվի առնելով այն, որ դրան հաջորդած վարչապետի ելույթը գործառնական կապի մեջ չէր այդ կոչի հետ, այսինքն՝ ելույթում որևէ բան պայմանավորված չէր դատարանների մուտքի արգելափակումով: Մյուս կողմից՝ անմտություն է կարծել, թե կոչն ինքնանպատակ էր ու չհաշվարկված:

Թեմայի շուրջ «Առաջին լրատվական»-ի հետ քննարկմանը մասնակցեցին քաղաքագետներ Հայկ Մարտիրոսյանը, Արմեն Բաղդասարյանը և Ստեփան Սաֆարյանը:

Հայկ Մարտիրոսյանի դիտարկմամբ՝ վարչապետի կոչի մոտիվը իրականում եղել է դրսի ուժերին ցույց տալը, որ Հայաստանում կա դժգոհություն դատական համակարգից. «Բայց ինչո՞ւ պետք է դրսի ուժերի մասին մտածելով լիներ, եթե դա կարող էր պրակտիկ ակցիա լինել ինչ-որ նպատակի հասնելու համար, իսկ ներսի ուժերին դրանում համոզելու կարիք չկա. չեմ կարծում, թե Հայաստանի որևէ խոհեմ քաղաքացի վստահում է դատական համակարգին: Չի կարելի անընդհատ ժողովրդին փողոց հանել՝ ասելով՝ գնացե՛ք, արեք սա, որովհետև ես չեմ կարողացել դատական համակարգը փոխել, ինձ օգնեք:

Վարչապետը խոստովանեց, որ վիրահատական միջամտություն չարեց դատական համակարգում՝ հույս ունենալով, որ դատավորները խելքի կգան: Հեղափոխական լիդերը ուներ անսահմանափակ լիազորություններ առաջին ամիսներին ժողովրդի ուժով կամ հանրաքվեով «խնդիրները լուծելու, չի կարելի հույսը դնել դատավորների խարակիրիի» վրա: Դատական ապարատը սաբոտաժի է ենթարկվում, դատարաններում նախկին ռեժիմի հետ ասոցացվող մարդիկ են… Հեղափոխական համակարգը փլվում է»:

Արմեն Բաղդասարյանի դիտարկմամբ՝ Նիկոլ Փաշինյանի կառավարությունը, բացի ժողովրդից, այլ դաշնակից չունի: Քաղաքագետի խոսքով՝ դատական համակարգը նոր իրողություններին համապատասխանեցնելու խնդիր կա, և դրա միակ ձևը բոլորին՝ թե՛ դրսի, թե՛ ներսի ուժերին ցույց տալն էր, որ դա հանրային պահանջ է, բայց չստացվեց, որովհետև սխալ էր հանպատրաստից այդպիսի ակցիա անելը, կարելի էր դա նախապատրաստել: Բաղդասարյանի կարծիքով՝ դատական համակարգի շուրջ աղմուկը իշխանությունները չեն հրահրել. «Մարտի 1-ի գործով մեղադրվող կողմն է իրավական պրոցեսը դարձրել քաղաքական խնդիր, և հեղափոխության աջակիցները կուլ են տվել խայծը»:

«Խափանման միջոցի փոփոխության հետ կապված՝ կարող էինք կասկածներ ունենալ, բայց անկանխատեսելի էր այն, որ այդպիսի ցինիզմի և «բեզպրեդելի» կգնա դատավորը և կկայացնի որոշում, որ գործի քննությունը չի էլ սկսվելու»,- նշեց Ստեփան Սաֆարյանը՝ նաև ընդգծելով, որ վարչապետի թիմը կարող էր մեկ տարի առաջ սկսել դատական համակարգի բարեփոխումները: «Հասարակությունը տարակուսում է, թե ինչու ամեն անգամ պետք է փողոց դուրս գա, բայց վարչապետը այլ դաշնակից չունի՝ բացի ժողովրդից»,- նշեց քաղաքագետը:

Մանրամասն՝ տեսանյութում:

  • Դիտումներ՝ *