Իտալիայում Հայաստանի դեսպանությունը հաստատում է ՀՀ քաղաքացիների առկայությունը Սիենա-Ֆլորենցիա ճանապարհին ՃՏՊ-ից տուժածների մեջ։
Ինչպես տեղեկացնում է դեսպանության մամուլի ծառայությունն իր ֆեյսբուքյան էջում, դեսպանությունը մշտական կապի մեջ է Սիենայի պրեֆեկտուրայի և իրավասու այլ մարմինների հետ՝ Հայաստանի քաղաքացիների մասին տեղեկություն ստանալու համար։
Ավելի վաղ տեղեկացվել էր, որ Իտալիայում կողաշրջվել է զբոսաշրջիկների տեղափոխող ավտոբուսը: Ավտոբուսում մոտ 60 զբոսաշրջիկ է եղել, այդ թվում Հայաստանից: Դեպքը տեղի է ունեցել Սիենա քաղաքից ոչ հեռու:
Ավտոբուսում եղել են զբոսաշրջիկներ նաև ՌԴ-ից, Վրաստանից և Ղազախստանից: Վթարի հետևանքով կա 1 զոհ: Ընդհանուր առմամբ 19 մարդ է տուժել, որից 4 վիճակը գնահատվում է ծանր։
