«Տիկին Զոհրաբյանը երևի մոռանում է, որ երբ մենք փողոց մարդ էինք հանում, որ դատարաններն էին փակում մեկ տարի առաջ, իրենք ջուր էին ուղարկում։ Ուզում եմ հասկանալ՝ ինչի՞ այս անգամ ջուր չեն ուղարկել, թե՞ գործընթացը պետք է հաջող ավարտվեր, նոր այդ որոշումը կայացվեր։
Մենք այն ժամանակ էլ էինք դատարանները փակում, երբ նրանք մեզ ջուր էին ուղարկում, բա ո՞ւր է այդ ջուրը»,- «Առաջին լրատվական»-ի հետ զրույցում, անդրադառնալով ԱԺ ԲՀԿ խմբակցության պատգամավոր Նաիրա Զոհրաբյանի հայտարարությանը, թե իշխանությունը փողոց հանեց ընդամենը 1100 մարդ, մի տարի առաջ հանում էր 600 հազար, ասաց ԱԺ փոխնախագահ Ալեն Սիմոնյանը։
Նրա խոսքով՝ տիկին Զոհրաբյանը և մնացած գործընկերները, որոնք փորձում են թվային հաշվարկ անել, թող փորձեն ՀՀ բոլոր դատարանների մոտ մեկական մարդ առանց գումար տալու հավաքել, նոր այդ ժամանակ կխոսենք․
«Կարծում եմ՝ տիկին Զոհրաբյանը շտապում է, ինչպես շտապում են մեր մյուս գործընկերները, և դա որևէ լավ բանի չի հանգեցնելու»,-ասաց Ալեն Սիմոնյանը։
