BBC-ն հայտարարել է երգիծական թոք-շոուի թողարկման մասին, որի վարողը կլինի անիմացված ՌԴ նախագահ Վլադիմիր Պուտինը: Այս պահի դրությամբ արդեն պատրաստ են Ռուսաստանի առաջնորդի մասնակցությամբ երկու պիլոտային դրվագներ, ասվում է հեռուստաալիքի մամլո կենտրոնի հայտարարությունում:
Ծրագիրը կոչվում է «Երեկո Վլադիմիր Պուտինի հետ»: ՌԴ-ի եռաչափ անիմացիոն նախագահը ոչ միայն շփվելու է սեղանի շուրջ հավաքված իրական հյուրերի հետ, այլև կքայլի նկարահանման սրահում: Նկարահանումների ժամանակ ներկա կլինի նաև հանդիսատեսը:
Թոք շոուի առաջին հյուրերը կլինեն Մեծ Բրիտանիայի նախկին վարչապետ Թոնի Բլերի մամլո քարտուղար Ալասթեր Քեմփբելը և լրագրող Ջուն Սարփոնգը:
Դատելով սոցցանցերի մեկնաբանություններից, Մեծ Բրիտանիայի բնակիչները Պուտինի մասնակցությամբ հեռուստանախագծի քննարկումների ժամանակ բաժանվել են երկու ճամբարի՝ ոմանք բացասաբար են արձագանքել BBC-ի գովազդային ցուցադրությանը, ոմանք էլ ողջունել են ՌԴ նախագահի մասնակցությամբ երգիծական թոք-շոուն:
🥋🇷🇺 Britain's newest chat show host – please welcome Vladimir Putin to @BBCTwo pilot #TonightWithVladimirPutin: https://t.co/DVY8uVOWSM pic.twitter.com/ifgw0s0kWB
— BBC Press Office (@bbcpress) May 21, 2019