Ուկրաինայի Ռադիկալ կուսակցության առաջնորդ Օլեգ Լյաշկոն Ուկրաինայի նախագահ Վլադիմիր Զելենսկիին մեղադրել է արկածախնդրության և երկրի սահմանադրական կարգի խախտման մեջ՝ Գերագույն Ռադայի լուծարման վերաբերյալ նրա որոշման պատճառով: Այս մասին նա գրել է Facebook-ում:
Լյաշկոյի խոսքերով, Ռադայի լուծարման մասին Զելենսկիի հրամանագիրը հակասահմանադրական և անօրինական է:
«Զելենսկին գործում է նախկին նախագահ Վիկտոր Յանուկովիչի նման, որը 2010 թ.-ին ընտրություններից հետո Սահմանադրական դատարանի կոռումպացված դատավորների միջոցով փոխեց Սահմանադրությունը»,- ասել է Լյաշկոն:
Այս առումով նա ստորագրահավաք է հայտարարել, որպեսզի ՍԴ-ն անօրինական ճանաչի Ուկրաինայի ղեկավարի խորհրդարանը լուծարելու վերաբերյալ հրամանագիրը:
Նա նաև Զելենսկիին մեղադրել է «երկրում իշխանությունը զավթելու» մեջ:
Ավելի վաղ հաղորդվել էր, որ Զելենսկին հրամանագիր է ստորագրել Ռադայի լուծարման մասին:
Հրամանագրում նշվում է, որ նման որոշման պատճառը Ռադայում իշխող կոալիցիայի բացակայությունն էր ավելի քան 30 օրվա ընթացքում:
