Ցեմենտի ներմուծման համար պետական տուրք սահմանելուն վերաբերող «Պետական տուրքի» մասին օրենքի նախագիծը խորհրդարանում շարունակում է բուռն քննարկումների թեմա լինել։
ԱԺ «Լուսավոր Հայաստան» խմբակցության պատգամավոր Մանե Թանդիլյանի խոսքով՝ վատթարացնող նորմը՝ այսինքն ներկրողների համար պետական տուրք սահմանելը ավելի շուտ կիրառության մեջ դնելը վատ նախադեպ է։ «Հաշվի առնելով այն, որ մենք մեզ թույլ ենք տալիս նման նորմ կիրառել, մնացած ներդրողներն էլ կգան ու Ազգային ժողովի միջոցով կփորձեն վատթարացնող նորմը ուժի մեջ դնել», – հավելեց Մանե Թանդիլյանը։