Աբխազիայի նախագահ Ռաուլ Խաջիմբան հավաստել Է, որ ընդդիմությանն առաջարկել Է պետության ղեկավարի ընտրությունները հուլիսից տեղափոխել օգոստոսի վերջը: Ինչպես ասվում Է նախագահի կայքում, նա առաջարկում Է դրանք նշանակել օգոստոսի 25-ին։ Ավելի վաղ ընդդիմության ներկայացուցիչները հայտնել են, որ պետության ղեկավարի հետ պայմանավորվածություն Է ձեռք բերվել ընտրությունները հուլիսի 21-ից օգոստոսի 26-ը տեղափոխելու շուրջ: Այդ հարցի վերաբերյալ երկրի խորհրդարանը որոշում կընդունի մայիսի 22-ին:
«Պետության ղեկավարն ընդդիմության ներկայացուցիչներին առաջարկել Է քննարկել նախագահական ընտրությունները 2019 թվականի օգոստոսի 25 տեղափոխելու հնարավորության հարցը»,- ասված Է հաղորդագրության մեջ: «Միասնական Աբխազիա» ընդդիմադիր կուսակցության նախագահ , բանակցությունների մասնակից Սերգեյ Շամբան նույնպես ՏԱՍՍ-ին հաստատել Է, որ խոսքը վերաբերում Է քվեարկությունը օգոստոսի 25 տեղափոխելուն: Ավելի վաղ Աբխազիայի բնակիչները բողոքի անժամկետ ակցիա Էին հայտարարել նախագահի ընտրությունները մինչեւ աշուն հետաձգելուց իշխանությունների հրաժարման պատճառով:
Ակցիայի մասնակիցները պահանջում Էին հետաձգել ընտրությունների օրը, քանի որ ընդդիմությունից նախագահի պաշտոնի հիմնական թեկնածու Ասլան Բժանիան ծանր վիճակում հոսպիտալացվել Է Մոսկվայում: Նրա հարազատները եւ գործընկերները գտնում են, որ Բժանիային կարող Էին թունավորել: Ընդդիմության թեկնածու Ասլան Բժանիան արդեն նախագահի պաշտոնի համար իր թեկնածությունը քվեարկության Է դրել 2014 թվականին, սակայն տանուլ Է տվել հանրապետության ներկայիս ղեկավար Ռաուլ Խաջիմբային: Հերթական ընտրությունները պետք Է տեղի ունենան 2019 թվականի հուլիսի 21-ին:
