Չինաստանում ԱՄՆ- ի հետ առևտրային պատերազմին հիմն են ձոնել, որը WeChat-ում արդեն վիրուսային է դարձել և շուրջ 100 հազար ներբեռնում ունեցել, հաղորդում է Bloomberg-ը։
Երգի հեղինակը գավառական պաշտոնյա Չժաո Լյանտյանն է։ Դրա համար հիմք է ծառայել 1965-ին նկարահանված 《Ստորգետնյա պատերազմ》ֆիլմի երաժշտությունը, որը պատմում է Ճապոնիայի դեմ պարտիզանական պայքարի մասին։
Ստեղծագործությունում չինացիներին կոչ են անում հաղթել ԱՄՆ-ի հետ առևտրային պատերազմում։
Նշվում է, որ երգը գրվել է դեռևս 2018-ին, սակայն չինացի օգտատերերը դրան ուշադրություն չեն դարձրել։