Թուրքիան շուրջ 2 շաբաթվա ընթացքում պետք է կողմնորոշվի ամերիկյան F-35 կործանիչներ ձեռք բերելքւ հարցում՝ ռուսական S-400 ԶՀՀ-ների փոխարեն։ Հակառակ պարագայում նրան բացասական հետևանքներ են սպասվում, հաղորդում է CNBC հեռուստաալիքը։
Պետքարտուղարության աղբյուրի համաձայն՝ Վաշինգտոնն Անկարայից պահանջում է առաջին շաբաթվա ավարտին չեղարկել S-400-ներ ձեռք բերելու որոշումը։
《ՆԱՏՕ-ի երկրներին անհրաժեշտ է տեխնիկա մատակարարել, որը կհամապատասխանի ՆԱՏՕ-ի համակարգերին։ Ռուսական սարքավորումներն այդ չափանիշներին չեն համապատասխանում》,-ասել են պետքարտուղարությունում։
《Մենք ընդգծում ենք, որ Թուրքիան իրական բացասական հետևանքների հետ կբախվի, եթե ավարտին հասցնի S-400-ների ձեռքբերումը》,-հավելել է աղբյուրը։
Այդպիսի հետևանքներից են F-35-երի ծրագրից չեղարկումը, ԱՄՆ-ի և ՆԱՏՕ-ի պատժամիջոցները։
