ԱՄՆ իշխանությունները 1.5 միլիոն դոլար կվճարեն 46 տարի անհիմն բանտում անցկացրած Ռիչարդ Ֆիլիպսին, հաղորդում է CBS News-ը:
Ինչպես նշվում է, դատախազությունը համաձայնել է փոխհատուցում վճարել երկրորդ անգամից:
Ֆիլիպսին 1971 թ.-ին սպանության մեղադրանքով ցմահ ազատազրկման են դատապարտել: Հետագայում հայտնի է դարձել, որ ամերիկացին ոչ ոքի չի սպանել, իսկ վկան սուտ ցուցմունք է տվել:
Նշվում է, որ Ֆիլիպսը ներկայումս զբաղվում է արվեստով, ինչի նկատմամբ հետաքրքրությունն ի հայտ է եկել դեռևս բանտում: Ընդ որում, նրա նկարների արժեքը հազարավոր դոլարների է հասնում:
«Ես լավ կլինեմ, անկախ նրանից, փոխհատուցում կվճարեն, թե ոչ»,- ասել է Ֆիլիպսը:
