Spice Girls-ի երգչուհիներից Մելանի Բրաունը, որն առավել հայտնի է Մել Բի անունով, ավելի վաղ դժգոհել էր տեսողության կորստից: Հիմա նա իրեն ավելի լավ է զգում, հաղորդում է People-ը:
«Նրա մոտ ամեն ինչ կարգին է, նա չի կուրացել: Նման բան նախկինում էլ է եղել. նրա աչքում հերպեսի վարակ կա, ինչի հետ կապված նման երևույթներ են տեղի ունենում»,- պատմել է ամսագրի աղբյուրը:
Ավելի վաղ երգչուհին խոստովանել էր, որ աջ աչքով ոչինչ չի տեսնում, իսկ ձախի տեսողությունը հստակ չէ: Նա Instagram-ի իր էջում վիրակապով լուսանկար է հրապարակել, և, իր հերթին, հերքել տեղեկատվությունը, որ նման դեպքեր նախկինում էլ են եղել:
Ըստ Բրաունի, նրա մոտ աչքի ծիածանաթաղանթի և անոթային թաղանթի բորբոքում է ախտորոշվել: Նրան երեք-չորս ամսվա բուժում է սպասվում, բայց այժմ նա չի մտահոգվում վիճակի հնարավոր վատթարացմամբ: