Լուրեր
Քոչարյանի ռեժիմին բնորոշ էր բիրտ գործելաոճը. ԶԼՄ ներկայացուցիչները նրա պաշտոնավարման տարիները նողկանքով են հիշում

Հայաստանում մեդիան ազատ է, քան երբևէ, դա փաստում են նաև հեղինակավոր միջազգային կառույցները՝ իրենց զեկույցներում, սակայն իրավիճակը բոլորովին այլ էր Ռոբերտ Քոչարյանի իշխանության տարիներին: Թեմայի շուրջ «Առաջին լրատվական»-ի հետ քննարկմանն իրենց դիտարկումները ներկայացրին առցանց «Առավոտի» խմբագիր Աննա Իսրայելյանը, «Հայք» և «Տարեգիր» թերթերի նախկին գլխավոր խմբագիր Վասակ Դարբինյանը և Խոսքի ազատության պաշտպանության կոմիտեի նախագահ Աշոտ Մելիքյանը: ԶԼՄ ներկայացուցիչները Ռոբերտ Քոչարյանի պաշտոնավարման տարիները նողկանքով են հիշում:

Աննա Իսրայելյանի խոսքով՝ «Առավոտը» բողոքի ցույց էր նախաձեռնել. «Կար միայն Ա. Աբրահամյանի խմբագրականը, որտեղ գրել էր, որ հրաժարվում ենք բացառապես պաշտոնական տեղեկատվություն հրապարակել, և թերթի մնացած բոլոր էջերը սպիտակ էին, և ԱԱԾ-ն մեզ արգելեց թերթի տպագրությունը՝ զավեշտալի հիմքով՝ սպիտակ էջի հրատարակելը համարելով գործադուլի կոչ, որն արգելված էր արտակարգ դրության պայմաններում»:

«Քոչարյանի իշխանության տարիներին ընդունված էր բուն փաստը շրջանցելու և իրենց ձեռնտու տարբերակով ներկայացնելու մեթոդը, և դրա վատ հետևանքները մենք անմիջականորեն զգացել ենք մեր գործունեության ընթացքում»,- նշեց Վասակ Դարբինյանը: Նա նաև հավելեց, որ տպարանում նստում էին ԱԱԾ աշխատակիցները, դա գրաքննություն չէր, այլ կացնային մեթոդով արգելում էին թերթի տպագրությունը կամ թույլատրում էին:

Ա. Իսրայելյանը հավելեց, որ արտակարգ դրության ռեժիմը երբ որ վերացվեց, թերթերի հրատարակությունը վերականգնվեց:

Աշոտ Մելիքյանի գնահատմամբ՝ Քոչարյանի իշխանության 10 տարիները լրատվամիջոցների համար ամենասև տարիներն էին հետխորհրդային շրջանում:

Մանրամասն՝ տեսանյութում:

  • Դիտումներ՝ *