Նորվեգիայի Հարալդ Հինգերորդ թագավորը մայիսի 21-ին մաթեմատիկայի գծով 2019 թվականի Աբելյան մրցանակը հանձնել է ամերիկացի պրոֆեսոր Քարեն Ուլենբեքին: Հեղինակավոր պարգևի հանձնման արարողությունը տեղի է ունեցել Օսլոյի Համալսարանի արարողությունների դահլիճում: Այն հեռարձակել է բուհի կայքը, տեղեկացնում է TASS-ը:
Նորվեգիայի գիտությունների ակադեմիան մրցանակն Ուլենբեքին 1ր շնորհել մարտին: Ամերիկուհին դարձել է առաջին կին դափնեկիրը պարգևի, որը հաճախ անվանում են մաթեմատիկայի գծով Նոբելյան մրցանակ: Ակադեմիայի որոշման մեջ նշվում է 76-ամյա Ուլենբեքի աշխատությունների ազդեցությունը վերլուծության, երկրաչափության և մաթեմատիկական ֆիզիկայի վրա: