Huawei կորպորացիայի հիմնադիր Ժեն Չժենֆեյը հայտարարել է, որ ԱՄՆ առևտրի դեպարտամենտի կողմից Միացյալ Նահանգներում գործունեություն ծավալելու ժամանակավոր լիցենզիայի տրամադրումն ընկերության համար էական նշանակություն չունի:
«ԱՄՆ կառավարության տրամադրած 90-օրյա լիցենզիան Huawei-ի համար էական նշանակութւուն չունի»,- նրա խոսքերը մեջբերել է Չինաստանի կենտրոնական հեռուստատեսությունը:
Չժենֆեյը հավաստիացրել է, որ ընկերությունն ի վիճակի է հաղթահարել Միացյալ Նահանգների կողմից սահմանված արգելքը: Միևնույն ժամանակ կորպորացիան չի բացառում ամերիկյան չիպերի օգտագործումը: Ընկերության ղեկավարը նշել է, որ Huawei-ը «կարող է նույնքան լավ չիպեր արտադրել, ինչպես ամերիկյան ընկերությունները», սակայն մատակարարման պակասի դեպքում կօգտագործվեն ԱՄՆ չիպերը:
Ավելի վաղ Life-ը հաղորդել է, որ չինական Huawei ընկերությունը և նրա 70 ստորաբաժանումները կընդգրկվեն ԱՄՆ առևտրի դեպարտամենտի սև ցուցակում՝ ազգային անվտանգության սպառնալիքի պատճառով: Հետագայում ԱՄՆ-ը Huawei-ին ժամանակավոր լիցենզիա է տրամադրել՝ ամերիկյան հաճախորդներին սպասարկելու համար:
