Անգլիական Նյուքասլում տղամարդը կաթնային կոկտեյլը նետել է «Brexit» կուսակցության առաջնորդ Նայջել Ֆարաջի վրա, հաղորդում է Politico-ն:
Միջադեպի հետ կապված որպես կասկածյալ ոստիկանությունը 32-ամյա տղամարդու է ձերբակալել: Փոլ Քրոութեր անունով կասկածյալը բացատրել է, որ դա աղի կարամելային և բանանի կաթնային կոկտեյլ է եղել, և նա չի զղջում իր գործողությունների համար:
"Mission control, the eagle has landed"#Milkshake #Farage pic.twitter.com/RD7Nsrhwxc
— Michael Gooch (@michgooch) May 20, 2019
Twitter-ում մեկնաբանելով միջադեպը, Ֆարաջը գրել է. «Ցավոք, Brexit-ի որոշ հակառակորդներ այն աստիճանի ծայրահեղական են, որ նորմալ արշավն անհնարին է դառնում»:
Ինչպես գրում է պարբերականը, վերջին ժամանակներս սա առաջին դեպքը չէ, երբ բրիտանացի քաղաքական գործչի վրա ըմպելիք են նետում Եվրախորհրդարանի ընտրությունների նախաշեմին: Նման իրավիճակներում են հայտնվել նաև աջակողմյան ակտիվիստ Թոմի Ռոբինսոնը և UKIP-ի թեկնածու Կառլ Բենջամինը:
"Complete failure."
Pro-Brexit politician Nigel Farage hit with milkshake thrown by protester in Newcastle, England: https://t.co/gHFV6eHXlP pic.twitter.com/BeWO7cVP23
— ABC News (@ABC) May 20, 2019
