Ադրբեջանական 1news.az կայքը, վկայակոչելով İRNA գործակալությանը, հայտնում է, որ «Թալիբան» շարժման ներկայացուցիչ Զաբիհուլահ Մուջահեթը հայտարարել է, որ իրենք են կործանել ադրբեջանական Ил-76 ինքնաթիռը, քանի որ այն զենք էր փոխադրում Աֆղանստանում գտնվող ամերիկացի զինվորականների համար։
Պակիստանում Ադրբեջանի դեսպանատունը հայտարարել է, որ ինքնաթիռում գտնվել են միայն Ադրբեջանի 3 քաղաքացիներ, իսկ մնացածը եղել են Ուզբեկստանի քաղաքացիներ։
Տարվում է հետաքննություն։
Հիշեցնենք, որ դեպքը կատարվել է հուլիսի 5-ի գիշերը Քաբուլից հյուսիս ընկած տարածքում։
Միջազգային անվտանգության աջակցության ուժերի (ISAF) ներկայացուցիչները հայտարարել են, որ այդ ինքնաթիռը չի պատկանել միջազգային կոալիցիային։
РИА Новости-ի տվյալներով՝ այն պատկանել է «Ադրբեջանական ավիաուղիներ» ավիաընկերությանը (AZAL)։ Աֆղանական Areana ազգային ավիաընկերության տվյալներով՝ ինքնաթիռում գտնվել է 8 մարդ։