Ուկրաինայի նախագահ Վլադիմիր Զելենսկին հանդիպել է Վրաստանի առաջնորդ Սալոմե Զուրաբիշվիլիի հետ։ Այս մասին հայտնում է Ուկրաինայի նախագահի կայքը։
Սալոմե Զուրաբիշվիլին Վլադիմիր Զելենսկուն հաջողություն է մաղթել պաշտոնում և նրան հրավիրել պաշտոնական այցով Վրաստան այցելել։
Զելենսկին ընդգծել է, որ իր թիմի համար թիվ մեկ մարտահրավերն Արևելքում հրադադարն է։ Նա նշել է, որ Ուկրաինան կշարունակի արտաքին քաղաքական հետևողական ուղղությունը՝ ուղղված ինքնիշխանության և տարածքային ամբողջականության վերականգնմանը, ինչպես նաև եվրոպական ու եվրոատլանտյան ինտեգրման զարգացմանը։
Զելենսկին հավելել է, որ Ուկրաինայի համար մարտահրավերներից մեկը նաև կոռուպցիայի նկատմամբ հաղթանակն է։
«Այդ հարցում Վրաստանի փորձը մեզ համար օրինակ է»,-ասել է նա։