Իրանի նախագահ Հասան Ռուհանին հայտարարել է, որ ԱՄՆ-ն բազմիցս Թեհրանին առաջարկել է բանակցություններ սկսել, իսկ պետքարտուղարությունն ութ պաշտոնական հարցում է հղել։ Այս մասին հայտնել է Իրանի նախագահի մամուլի ծառայությունը։
Ռուհանին ընդգծել է, որ Իրանը տնտեսական պատերազմում է, և երկիրը պետք է դիմակայի ԱՄՆ-ին։
«Ես կողմ եմ բանակցություններին և դիվանագիտությանը։ Բայց տվյալ պայմաններում ես դրանք ճիշտ չեմ համարում։ Անցած տարի ՄԱԿ իմ այցելության ժամանակ 5 քաջ հայտնի համաշխարհային առաջնորդներ դիմեցին մեզ՝ ԱՄՆ-ի նախագահի հետ բանակցությունները միջնորդելու առաջարկությամբ։ Նրա պետքարտուղարությունը ևս 8 անգամ խնդրանքով դիմել է մեզ»,-նշել է Ռուհանին։
Նա հավելել է, որ չնայած Վաշինգտոնի առաջարկությունների՝ «այսօր ամենևին էլ բանակցությունների ժամանակը չէ, այլ դիմակայության և կայունության ժամանակն է»։