Լուրեր
Սա քաղաքական ակցիա էր. հասարակությունը ևս կողմ է, որ այս գործընթացները իրականացվեն
  • 09:45
  • 2019-05-21
  • Դիտումներ՝ *

«Այո՛, կարծում եմ՝ ժամանակն է, որ հանրությունը իմանա նաև այն դատավորների կապերը կամ անուղղակի ազդեցության գործիքակազմերը, որոնք կարող են կամ դեր են խաղացել նրանց կողմից կայացրած որոշումների արդյունավետության վրա»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Արտակ Մանուկյանը՝ անդրադառնալով այսօր Նիկոլ Փաշինյանի հայտարարությանը, ըստ որի՝ հիմա արդեն անցումային արդարադատության մեխանիզմների ներդրումը կենսական անհրաժեշտություն է։

Պատգամավորի խոսքով՝ հեղափոխությունից ակնկալվող ամենամեծ արդյունքը պետք է լիներ հասարակության միասնությունը և համերաշխությունը․ «Սա հնարավորություն էր, որ նախկին լուծը թոթափվեր և դատական իշխանության նախկին լուծը թոթափվեր և նրանք ինքնամաքրման միջոցով հանդես գային նոր դեմքերով և հանրության համար վտսհելի լինեին»,-հավելեց նա։

Հարցին՝ հնարավո՞ր չէր առանց դատարանների մուտքերը փակելու դատական իշխանությունում փոփոխությունների մասին ազդարարելու, պատգամավորը նշեց, որ սա քաղաքական ակցիա է, որը կարող էր ի ցույց դնել այն, որ հասարակութունը ևս կողմ է, որ այս գործընթացները իրականացվեն։

  • Դիտումներ՝ *