Համաշխարհային աստղի հետ մեկտեղ Իսրայելում արգելված դրոշը ցուցադրել են նաև Իսլանդիայի մասնակիցները:
Մադոննան խախտել է Իսրայելի օրենքը Եվրատեսիլում իր ելույթի ժամանակ. երգչուհին իր համարի բեմադրության ժամանակ երկրում արգելված խորհրդանիշներ է օգտագործել:
Մրցույթի եզրափակիչում Մադոննան հանդես է եկել որպես հրավիրված աստղ: Երգչուհին մի քանի ստեղծագործություն է կատարել, որոնք ուղեկցվել են դիտարժան բեմադրություններով: Կատարումներից մեկի ժամանակ, Մադոննայի հետ բեմում գտնվող պարողները մեջքով շրջվել են դեպի դահլիճը և զույգերով բարձրացել տեղադրված հարթակին: Այդ պահին պարային զույգերից մեկի մեջքին պատկերված են եղել Իսրայելի և Պաղեստինի դրոշները: Պարողները քայլել են միմյանց գրկած:
Հավանաբար, այս ձևով Մադոննան ցանկացել է երկու երկրներին հաշտեցման կոչ անել: Սակայն աստղը հաշվի չի առել այն հանգամանքը, որ պաղեստինյան դրոշի ցանկացած պատկեր Իսրայելում արգելված է:
Նշվում է, որ մրցույթի հեռարձակման ժամանակ Պաղեստինի դրոշը հայտնվել է երկու անգամ: Երկրորդ անգամ արգելված սիմվոլիկան ցուցադրել է Եվրատեսիլում Իսլանդիան ներկայացնող Hatari խումբը: Teleprogramma.pro-ի տվյալներով, երաժիշտները բազմիցս ասել են, որ ցանկանում են ուշադրություն հրավիրել այս միջազգային հակամարտությանը:
