Վրաստանի նախկին նախագահ Միխայիլ Սահակաշվիլին իր կողմից ստեղծված «Միացյալ ազգային շարժում» ընդդիմադիր կուսակցության անդամներին կոչ է արել «հարձակման անցնել» երկրում ներկայումս անցկացվող քաղաքապետերի ընտրություններում: Այս մասին նա հայտարարել է Facebook-ում տեղադրված տեսաուղերձում:
Նա հայտարարել է, որ անհրաժեշտ է գրոհել ներկայիս իշխանություններին, որոնք արդեն իսկ ձախողում են:
Վրաստանի նախկին ղեկավարը նաև հավելել է, որ Վրաստանի ժողովրդին ամեն անգամ զրկում են ընտրություններից՝ կեղծելով դրանք:
Ավելի վաղ Սահակաշվիլին Ուկրաինայի ընտրված նախագահ Վլադիմիր Զելենսկիին խորհուրդ է տվել չհամագործակցել Ռուսաստանի հետ, որը, նրա կարծիքով, «ընդունակ չէ պայմանավորվածությունների»: