«Գահերի խաղը» սերիալի եզրափակչի նախաշեմին Նյու Յորքում հացթուխները առաջարկում են քաղցր ուտելիքներ՝ գայթակղելու համար հեռուստասերիալի ամենանվիրված երկրպագուներին: Մրգային կեքսերը վիշապի կիտրոնով և սառցե շաքարաշերտով՝ հապալասի կրեմով, վաճառվում են այնքան արագ, ինչպես սերիալի այլ հուշանվերները:
Այս քաղցրաբլիթները վաճառվում են խանութների մեծ մասում՝ հատը մոտավորապես 5 դոլարով: «Գնորդների արձագանքը շշմեցուցիչ էր,- ասում է Sprinkles-ի տարածաշրջանային մենեջեր Ջիմ Նելսոնը:- Այն պահից, երբ մենք սկսեցինք ցուցափեղկերին ներկայացնել «վիշապե» կեքսեր, հաճախորդները ակնթարթորեն գնեցին դրանք: Մենք հազիվ ենք հասցնում նորերը թխել»:
Հացի փուռը նաև վաճառում է կեքսեր թշնամական Վեստերոս արիստոկրատական տան զինանշանների պատկերով: Նյու Յորքում վաճառքի հիթ է դարձել Լիզա Մանսուրի տորթը՝ վիշապի ձվի ձևով: 20 սմ բարձրությամբ և 12,7 սմ լայնությամբ վանիլային տորթը պատված է բելգիական շոկոլադներով: Թարմ թխված վիշապի ձվի ձեռքի աշխատանքը արժի 125 դոլար: