Իսպանիայում Մադրիդի արբիտրաժային դատարանը հանել է կոլումբիացի երգչուհի Շակիրայի դեմ «La bicicleta» երգի գրագողության մեղադրանքը, որը ձայնագրվել է Կառլոս Վիվեսի հետ: Այս մասին հաղորդում է ՏԱՍՍ-ը՝ հղում անելով դատարանի մամուլի ծառայությանը:
Ավելի վաղ գրագողության մասին հայտարարել էր կուբացի կոմպոզիտոր Լիվան Ռաֆայել Կաստելիանո Վալդեզը: Նա ասել էր, որ «La bicicleta» երգում, առանց թույլտվության, 1997 թ.-ին իր կողմից գրված «Yo te quiero tanto» կոմպոզիցիայից հատվածներ են օգտագործվել:
Դատավճռի մեջ նշում է, որ ստեղծագործությունները «բոլորովին տարբեր են»: Նման եզրակացության են եկել փորձագետներըը, որոնք ուսումնասիրել և համեմատել են երկու երգերը: Նշվում է, որ երգերը գրված են նույն բանալի նշանների օգտագործմամբ, սակայն երաժշտական դիսկուրսի, գործիքավորման, որակի և տեքստի ծավալի տարբեր կառուցվածք ունեն:
Այս գործով լսումները տեղի են ունեցել այս տարվա մարտին: Շակիրան հերքել է մեղադրանքները և հայտարարել, որ նախկինում երբեք չի մեղադրվել գրագողության մեջ:
Շակիրան MTV Video Music Awards-ի հինգ, Գրեմմիի՝ երկու, Billboard Music Awards-ի՝ յոթ մրցանակ ունի: Նա Լոս Անջելեսի Փառքի ծառուղում իր անունով աստղ ունի:
