Լուրեր
Բակո Սահակյանը սխալ է անում, նա կորցնում է առաջիկա ընտրություններում հաղթելու շանսը
  • 18:25
  • 2019-05-16
  • Դիտումներ՝ *

Արդեն չորրորդ օրն է, որ ընթանում է Ռոբերտ Քոչարյանի գործով դատական նիստը: Դատարանում ընթերցվել է Արցախի գործող և նախկին նախագահներ Բակո Սահակյանի և Արկադի Ղուկասյանի՝ Քոչարյանի  խափանման միջոցը փոխելու մասին երաշխավորագիրը: Այդ դեպքում ինչպե՞ս է ընկալվում Ռոբերտ Քոչարյանը. Ռոբերտ Քոչարյանը իբրև մարդ, որ ունեցել ավանդ Արցախի համա՞ր, թե՞ Ռոբերտ Քոչարյանը իբրև քաղաքական գործիչ: Եթե իբրև Արցախյան պատերազմում ավանդ ունեցող, ապա հարց է ծագում, թե ինչո՞ւ նման երաշխավորագիր չեղավ Մանվել Գրիգորյանի համար: Պատասխանելով «Առաջին լրատվական»-ի այս հարցին՝ քաղաքագետ Լևոն Շիրինյանը մասնավորապես ասաց. «Ինձ թվում է՝ Հայաստանում ներքին հզոր գործընթացներ են տեղի ունենում՝ արտաքին հանգստության տակ: Լութոկրատիան՝ գողապետությունը, հեղափոխության հզոր, բայց ոչ հետևողական հարվածների ազդեցության տակ ցնցվել է, մի պահ շշմեց և հիմա, կարծես թե, փրկության կամ վերափրկության փորձ է անում, և այստեղից էլ դերերի տարբեր բաշխումները:

Մանվելը նրանց համար առոչինչ է, Մանվելը շատ վարկաբեկվեց, և ընդհանրապես, նա հեղինակություն չի ունեցել, բացի որոշակի խմբերի մեջ այս կամ այն կերպ հայտնի լինելուց: Կարծում եմ, որ Արցախի Հանրապետության երկու նախագահները չեն համարձակվել դա անել, գուցեև չեն ուզեցել»:

«Մի խումբ մարդիկ,- այդ խումբը կարող է հազար լինել, կարող է երկուսը լինել՝ նայած ինչ դերակատարությամբ,- չընդունեցին անցած տարվա մայիսի 2-ի հայ ժողովրդի համազգային, համամոլորակային ընդվզումը ռեժիմի դեմ, որի դերակատարներն իրենք էլ են: Սա այդ չընդունելն է»,- նշեց նա, ապա հավելեց. «Ինձ թվում է՝ նրանք պայքար են տալիս Սերժ Սարգսյանի ապագայի համար»:

 

Մանրամասները՝ տեսանյութում։

  • Դիտումներ՝ *