«Չեմ ուզում կասկածի տակ դնել մեր իրավապահ մարմինների աշխատանքը. եթե մերժման հիմնավորում են տվել, ես ի գիտություն եմ ընդունում այդ հիմնավորումը»,- «Առաջին լրատվական»-ի հետ զրույցում ասաց «Իմ քայլը» խմբակցության պատգամավոր Հրաչյա Հակոբյանը՝ անդրադառնալով Գագիկ Ծառուկյանի նկատմամբ քրգործ հարուցելու մասին դիմումը մերժելու ՀՔԾ որոշմանը՝ հանցադեպի բացակայության պատճառով:
Պատգամավորի խոսքով՝ հուզական դաշտում հնարավոր են շատ տարբեր կարծիքներ, սակայն ինքը վստահ է, որ իրավական դաշտում հարցը մանրակրկիտ ուսումնասիրվել է. «Եվ եթե հանցակազմ տեսնեին, վստահ եմ՝ գործին ընթացք կտային»:
Հրաչյա Հակոբյանը նշեց, որ իրենց խմբակցությունում ևս կան սեփականատեր պատգամավորներ. «Ես չեմ կարծում, որ մեր խորհրդարանում երբևէ զերծ կմնանք նման պատգամավորներից»:
Առավել մանրամասն՝ տեսանյութում:
