Ռուսաստանի ԱԳ նախարար Սերգեյ Լավրովը բացատրել է, թե ինչու իր գործընկեր ԱՄՆ պետքարտուղար Մայք Պոմպեոյին ՌԴ այցի ժամանակ չի առաջարկել շրջել սպիտակ «Պոբեդայով», ինչպես պետքարտուղարության նախորդ ղեկավար Ջոն Քերիին, փոխանցում է «ՌԻԱ Նովոստի»-ն:
«Հայը, որն այդ «Պոբեդան» ինձ էր տալիս, ինչ-որ տեղ էր անհետացել, չգիտեմ»,- լրագրողներին կատակով պատասխանել է Լավրովը:
Ակնարկին, թե Քերիի հետ նրանք, կարծես, ընկերներ էին, իսկ Ռուսաստանում Պոմպեոյի ընդունելությունը սովորական կիսապաշտոնական էր, ՌԴ ԱԳ նախարարը քմծիծաղ է տվել. «Ի՞նչ կիսապաշտոնական, ինչի՞ մասին եք խոսում»:
ԱՄՆ պետքարտուղար Մայք Պոմպեոն երեքշաբթի Սոչիում բանակցություններ է վարել ՌԴ ԱԳ նախարար Սերգեյ Լավրովի հետ: Պետքարտուղարին ընդունել է նաև ՌԴ նախագահ Վլադիմիր Պուտինը: Սա Պոմպեոյի առաջին այցն էր Ռուսաստան՝ որպես պետքարտուղար. նա այս պաշտոնը զբաղեցնում է 2018-ի մարտից:
