ԱՄՆ Այովա նահանգում երկաթգծի վրա քնած երեխան հրաշքով կենդանի է մնացել: Այս մասին հաղորդում են ամերիկյան լրատվամիջոցները: 17-ամյա Քրիստիան Մայքլ Լեթշոուն պատմել է, որ հանգստանում էր այստեղ ընթացող երաժշտական փառատոնի ժամանակ: Մեծ քանակությամբ ալկոհոլ օգտագործելուց հետո երիտասարդը մի պահ ուշագնաց է եղել և ընկել երկաթգծի վրա: Քրիստիանն ուշքի է եկել միայն այն բանից հետո, երբ գնացքն անցել է նրա վրայով:
Մեքենավարը պատմել է, որ դեռ հեռվից է նկատել գծերի մեջտեղում ընկած տարօրինակ առարկան: Հասկանալով, որ դա մարդ է, սկսել է արգելակել, սակայն ժամանակը չի հերիքել, և գնացքն անցել է երիտասարդի վրայով:
Այստեղ ժամանած բժիշկները պարզել են, որ երիտասարդը լուրջ վնասվածքներ չի ստացել՝ միայն կապտուկներ ծոծրակի և ոտքի վրա: