Մոնակոն դարձել է էլիտար բնակարանների ամենաթանկ համաշխարհային շուկան 2019-ի առաջին չորս ամիսների տվյալներով: Այս մասին է վկայում Savills միջազգային անշարժ գույքի գործակալության ուսումնասիրությունը (նյութերը հասանելի են «Lenta.ru»-ում):
Մոնակոյում էլիտար անշարժ գույքի մեկ քառակուսի մետրի արժեքը միջինում 48.8 հազար եվրո է, ինչը 237 %-ով գերազանցում է Փարիզի և 194 %-ով՝ Լոնդոնի ցուցանիշները:
Մոնակոյում շքեղ էլիտար անշարժ գույքի վարձակալության գները նույնպես ամենաբարձրն են համաշխարհային շուկայում, նշվում է հետազոտության մեջ:
Թանկարժեք հատվածում բնակարանի վարձակալման արժեքը, մեկ քառակուսի մետրի համար, միջինը 1.2 հազար եվրո է:
Savills- ի գնահատմամբ, 2018-ին Մոնակոյում էլիտար անշարժ գույքի «քառակուսու» արժեքն ավելացել է 18 %-ով, բարձրբյուջետային անշարժ գույքի հետ գործարքների թիվն աճել է 31 %-ով: Արտահայտված աճ է գրանցվել ավելի քան 5 միլիոն եվրո արժողությամբ անշարժ գույքի հատվածում:
«2018-ի ընթացքում Մոնակոյում անշարժ գույքի պահանջարկի զգալի աճ է նկատվել Մեծ Բրիտանիայի, Մերձավոր Արևելքի, Թուրքիայի և Հունաստանի գնորդների կողմից»,- ասել է Savills Monaco-ի տնօրեն Իռեն Լյուկը: