Դատարանն այսօր շարունակել է դռնբաց դատական նիստում քննել Ռոբերտ Քոչարյանի խափանման միջոցին վերաբերող միջնորդությունը։ Իսկ երեկվա դատական նիստում ընթերցվել է Արցախի գործող եւ նախկին նախագահների երաշխավորագիրը դատարանին: Նրանք երաշխավորում են, որ Ռոբերտ Քոչարյանի խափանման միջոց կալանքը չեղարկելու դեպքում նա կդրսեւորի պատշաճ վարքագիծ եւ կմասնակցի գործընթացին լիարժեք: Դատարանն ի պատասխան հիշեցրել է, որ երաշխավորները իրենք պետք է ներկայանան դատական նիստին եւ հավաստեն նույնը մասնակցելով նիստին, միաժամանակ ստանձնելով պատասխանատվություն, որը կարող է լինել ընդհուպ քրեական, եթե պաշտպանյալը խախտի երաշխիքը: Դեռ հայտնի չէ, թե երբ կգան Արցախի երկու նախագահները դատարան, Ռոբերտ Քոչարյանի ազատության համար դատարանին երաշխավորելու: Ընդ որում, պարզ չէ նաև, թե արդյոք այդ երաշխիքը բավարար կլինի դատարանի համար, որպեսզի կայացնի խափանման միջոցի փոփոխության մասին որոշում:
Թեմայի շուրջ «Առաջին լրատվական»-ի հետ քննարկմանը մասնակցեցին Գյումրիի լրագրողների «Ասպարեզ» ակումբի նախագահ Լևոն Բարսեղյանը, «Անտարես» հրատարակչության տնօրեն Արմեն Մարտիրոսյանը և վերլուծաբան Կարպիս Փաշոյանը:
Դատարանն այսօր շարունակել է դռնբաց դատական նիստում քննել Ռոբերտ Քոչարյանի խափանման միջոցին վերաբերող միջնորդությունը։ Իսկ երեկվա դատական նիստում ընթերցվել է Արցախի գործող եւ նախկին նախագահների երաշխավորագիրը դատարանին: Նրանք երաշխավորում են, որ Ռոբերտ Քոչարյանի խափանման միջոց կալանքը չեղարկելու դեպքում նա կդրսեւորի պատշաճ վարքագիծ եւ կմասնակցի գործընթացին լիարժեք: Դատարանն ի պատասխան հիշեցրել է, որ երաշխավորները իրենք պետք է ներկայանան դատական նիստին եւ հավաստեն նույնը մասնակցելով նիստին, միաժամանակ ստանձնելով պատասխանատվություն, որը կարող է լինել ընդհուպ քրեական, եթե պաշտպանյալը խախտի երաշխիքը: Դեռ հայտնի չէ, թե երբ կգան Արցախի երկու նախագահները դատարան, Ռոբերտ Քոչարյանի ազատության համար դատարանին երաշխավորելու: Ընդ որում, պարզ չէ նաև, թե արդյոք այդ երաշխիքը բավարար կլինի դատարանի համար, որպեսզի կայացնի խափանման միջոցի փոփոխության մասին որոշում:
Թեմայի շուրջ «Առաջին լրատվական»-ի հետ քննարկմանը մասնակցեցին Գյումրիի «Ասպարեզ» լրագրողների ակումբի նախագահ Լևոն Բարսեղյանը, «Անտարես» հրատարակչության տնօրեն Արմեն Մարտիրոսյանը, վերլուծաբան Կարպիս Փաշոյանը:
Անդրադառնալով հարցին, թե մեր օրենսդրության համաձայն՝ ովքեր կարող են երաշխավորության հայտ ներկայացնել՝ Լևոն Բարսեղյանը նշեց. «Վստահ եմ՝ այդ երկու անձինք, ովքեր դիմել են երաշխավորության համար, ունեն ՀՀ անձնագրեր, կարող են ասել ՀՀ քաղաքացի ենք, դիմում ենք, այս իմաստով կարող են հայտունակ համարվել, այլ բան է, թե դատարանն ինչպես կդիտարկի: Ես այլ համատեքստում եմ ուզում դիտարկել. որպես արցախցիներ, իրենց ընկերն է, գուցե նաև մանկության ընկերն է, հաց են կիսել իրար հետ, պատերազմ է եղել, իրար հետ են եղել, նրանց մարդկային վերաբերմունքը կարելի է հասկանալ, բայց այն, որ նրանք օգտագործում են պաշտոնեական դիրքը, թեպետ մեկը արդեն նախկին նախագահ է, սա քաղաքական իմաստով վնասելու է ընկալումներին՝ Հայաստան-Արցախ տարաձայնությունների առումով, որոնց վերջին օրերին պարբերաբար ականատես ենք լինում: Դատարանը լուրջ ճնշման տակ է: Երաշխավորության հայտի մերժման համար ավելի ծանրակշիռ հիմք կա, քան թե բավարարելու համար. նկատի ունեմ այն, որ Քոչարյան Ռոբերտը շարունակում է տիրապետել ահռելի լծակների՝ ինչպես ֆինանսական, այնպես էլ զանազան խմբերի վրա ազդեցության, և ազատության մեջ լինելով՝ նա կարող է խոչընդոտել այս դատաքննության փուլը»:
Կարպիս Փաշոյանն ընդգծեց, որ կլանային փոխհարաբերությունները չպետք է տիրապետող լինեն մեր միջավայրում, պետք է նման մոտեցումներն անմիջապես մերժվեն և դատապարտվեն: «Իմ համոզմամբ՝ այստեղ գերակայողը ոչ թե ընկերական հանգամանքն է, այլ Արցախում ունեցած Քոչարյանի ազդեցությունը նրա ամենակարևոր խաղաղաքարտն է, որը նա ամենավճռական շրջափուլերից մեկում օգտագործեց: Քոչարյանը որոշակի ֆինանսական և քաղաքական ազդեցություն ունի, դա լուրջ խաղաքարտ է, այսպիսով՝ Արցախի երկու նախագահների միջնորդությունը կարելի է դիտարկել որպես զորեղ ճնշում երևանյան իշխանությունների նկատմամբ»,- նշեց վերլուծաբանը:
Արմեն Մարտիրոսյանն ընդգծեց, որ պետք է անպայման Նյուրնբերգյան պրոցեսի նման պրոցես ունենալ և քաղաքական գնահատականներ տալ, որ առնվազն այս իշխանությունները չհավակնեն նույնն անել, և ՀՀ իշխանությունների մտքով երբևիցե չանցնի, որ կարելի է ուզուրպացնել իշխանությունը:
Մանրամասն՝ տեսանյութում: