Լուրեր
Արցախում ՀՀ իշխանությունների դեմ հստակ քարոզչություն է․ կուրատորը Սերժ Սարգսյանն է
  • 17:10
  • 2019-05-15
  • Դիտումներ՝ *

«Որպես Քոչարյանի նախկին թիմակիցներ՝ Արցախի երկու նախագահները ինչ-որ տեղ նաև պարտավորված են դա արել»,- «Առաջին լրատվական»-ի հետ զրույցում ասաց ԼՂՀ ԱԺ պատգամավոր Հայկ Խանումյանը՝ անդրադառնալով Արցախի նախկին և գործող նախագահների դիմումին՝ փոխելու Ռոբերտ Քոչարյանի կալանքը որպես խափանման միջոց:

Մեր զրուցակցի խոսքով, սակայն, չպետք է դա  վերագրել Ստեփանակերտ-Երևան հարաբերություններին. «Իհարկե, վերջին շրջանում Ստեփանակերտից բավականին կոշտ հայտարարություններ կան՝ ուղղված Հայաստանի իշխանություններին: Ես դա կվերագրեի ուրիշ բանի: Եվ ընդհանրապես հայաստանյան հեղափոխությունից հետո Արցախում ուղղորդված քարոզչություն կա ընդդեմ Հայաստանի իշխանությունների. Բակո Սահակյանը և իր նեղ շրջապատը Հայաստանի իշխանությունների դեմ հստակ կազմակերպված քարոզչություն են իրականացնում, և որոշ քաղաքական գործիչներ չեն թաքցնում նաև հրապարակային հայտարարություններով հանդես գալու գայթակղությունը»:

Հայկ Խանումյանն ընդգծեց՝ առաջին անգամ Հայաստանում ունենք մի իշխանություն, որը չի խոսում տարածքային զիջումներից, որը էականորեն բարելավում է սպառազինության վիճակը և բարձրացնում է զինծառայողների աշխատավարձը, որը բացահայտ խոսում է վերաբնակեցման ծրագրերի մասին. «Եվ այս ամենից հետո քննադատությունը Հայաստանի իշխանությունների հասցեին խոսում է մի բանի մասին. սա ուղղորդվում է Սերժ Սարգսյանի կողմից, կուրատորը Սերժ Սարգսյանն է՝ նրա հետ են համաձայնեցնում բոլոր հայտարարությունները»:

 

Առավել մանրամասն՝ տեսանյութում:

  • Դիտումներ՝ *