ԱԺ նախագահ Արարատ Միրզոյանը տեղեկացրել է, որ մայիսի 24-ին խորհրդարանում «Անցումային արդարադատության գործիքների կիրառման հեռանկարները Հայաստանում» խորագրով խորհրդարանական լսումներ են սկսվելու: Կա՞ մեզ մոտ ընդհանուր պատկերացում կամ մոտեցում, թե ինչ է անցումային արդարադատությունը: «Առաջին լրատվական»-ի այս հարցին ի պատասխան՝ նախորդ Ազգային ժողովի արտաքին հարաբերությունների մշտական հանձնաժողովի նախագահ, պաշտպանության նախկին փոխնախարար Արտակ Զաքարյանը մասնավորապես ասաց. «Եթե իշխանությունները գնան անցումային արդարադատության գործընթացներին, ընթացակարգերին, դա Հայաստանի համար նորություն է, առաջին անգամ պետք է կիրառվի, և պետք է նպատակները հստակ շարադրվեն: Եթե նպատակները ի շահ պետության են, և այդ նպատակով հետագայում ավելի լավ գործարկվող իրավական համակարգ պետք է ունենանք, ապա ընդհանուր խնդիրը արդարացված կլինի: Եթե այդ նպատակը, այսպես ասած, զուտ նեղ իշխանական խնդիրներ է հետապնդելու, և փորձելու են՝ այն, ինչ որ մարդու իրավունքների տիրույթում, ժողովրդավարական պետության գործիքակազմում չեն կարողանում ըստ իրենց ցանկության իրականացնել, փորձելու են իրենց ճանապարհ հարթելու ուղղությամբ»:
«Այստեղ երկու եզր ունի այդ մոտեցումը: Դա կարող է բերել բարդ և վատ հետևանքների՝ նայած, թե ինչ ձևով, ինչ սկզբունքներով են կիրառելու, և կարող է բերել պետության համար էֆեկտիվ, լավ հնարավորություն: Իշխանության սկզբունքայնության, ազնվության և գերակա խնդիրը ճիշտ ձևակերպելու և դրան ճիշտ ձգտելու մասին է խոսքը»,- նշեց նա՝ հավելելով, որ անցումային արդարադատության անհրաժեշտությունը չի տեսնում, քանի որ իրավական հնարավորությունները բավարար են, որպեսզի խնդիրները լուծվեն:
Մանրամասները՝ տեսանյութում։