Associated Press գործակալությունը, հղում անելով Սան Ֆրանցիսկոյի ոստիկանությանը, հայտնում է, որ Սան Ֆրանցիսկոյի ոստիկանությունը փնտրում է այն հանցագործներին, որոնք Weinstein-ի թանգարանից գողացել են Պաբլո Պիկասոյի մատիտով արված նկարը, որը գնահատվում է մի քանի հարյուր հազար դոլար:
Հանցագործը մտել է թանգարան, հանել «Կնոջ գլուխը» (1965 թ.) նկարը պատից և հեռացել իրեն սպասող տաքսիով: Իրավապահները հայտարարում են, թե հույս ունեն՝ մասնագետները կճանաչեն այդ նկարը հանցագործի կողմից այն վաճառելու դեպքում:
Ոստիկանության տվյալներով՝ հանցագործը, որը կրել է սև ակնոց, մոտավորապես 30 տարեկան է: Weinstein-ի թանգարանում ներկայացված են նաև Մարկ Շագալի, Սալվադոր Դալիի և Խուան Միրոի նկարները:
