Լուրեր
Սա կարևորագույն ազդակ է, որ այլևս իշխանություն պահելու համար որևէ մեկի արյուն չթափվի
  • 19:15
  • 2019-05-14
  • Դիտումներ՝ *

«Շատ ուժեր կան, որ կցանկանան քաղաքականացնել, բայց մենք պետք է զուտ իրավական տեսանկյունից փորձենք դիտարկել այս դատավարությունը»,-անդրադառնալով Քոչարյանի և մյուսների գործով դատական նիստին՝ «Առաջին լրատվական»-ի հետ զրույցում ասաց ԱԺ ԲՀԿ խմբակցության պատգամավոր Սերգեյ Բագրատյանը։

Նրա խոսքով՝ ականատես ենք մի դատավարության, որի իրավական կողմը դեռևս քննվում է․«Մենք պետք է հետևենք դատական պրոցեսներին, հասկանանք օբյեկտիվությունը, հիմնավորվածությունը, պատճառները և հետևանքները, որից հետո նոր կկարողանանք գնահատական տալ»։
Մարտի մեկի ողբերգությունը, նրա գնահատմամբ, նորօրյա Հայաստանի մեծագույն ողբերգությունն է և պետք է դրա գնահատականը տրվի, չի կարելի նման ծանրագույն հանցագործությունը թողնել անպատիժ, իսկ թե ովքեր են պատասխանատու, դա միայն կարող է պարզել դատարանը։
«Իմ աչքի առաջ է ողջ գործընթացը, և լինելով գործընթացի ականատես, չես կարող իրական գնահատական տալ, որովհետև դա շատ ավելի տարածուն է, քան թվում է, թե պարզ գործողություն է։ Եվ ժողովուրդը պետք է լիարժեք բացահայտված տեսնի ոճրագործությունը։ Սա կարևորագույն ազդակ է, որ այլևս երբեք ՀՀ-ում քաղաքական հաշվեհարդարներ չլինեն և իշխանություն պահելու համար երբեք որևէ մեկի արյուն չթափվի»,-ասաց պատգամավորը։

  • Դիտումներ՝ *