Լուրեր
Քոչարյանին ընդդիմադիր դարձրեց հենց Նիկոլ Փաշինյանը
  • 18:45
  • 2019-05-14
  • Դիտումներ՝ *

«Գելափ ինթերնեշընըլ» միջազգային հետազոտական կենտրոնը ներկայացրել է Հայաստանում իրականացված հետազոտության արդյունքները Նիկոլ Փաշինյանի վարչապետության մեկ տարվա առիթով: Հետազոտության առաջին հատվածը նվիրված է Փաշինյանի գործունեությանը և մեկ տարվա ընթացքում արդյունքներին, երկրորդ հատվածը, ենթադրվում է, նվիրված է կառավարության աշխատանքին: Հետազոտության շուրջ «Առաջին լրատվական»-ի հետ զրույցում «Գելափ ինթերնեշընըլ» միջազգային հետազոտական կենտրոնի տնօրեն Արամ Նավասարդյանը մասնավորապես ասաց. «Այսօրվա մեր հրապարակումը ավելի շատ սևեռված էր պարոն Փաշինյանի այս մեկ տարվա կառավարման վրա: Մենք փորձել ենք դիտարկել՝ վերջին մեկ տարվա ընթացքում մեր հասարակության մեջ ինչպիսի վերաբերմունք կա նրա գործելաոճի, նրա վստահության նկատմամբ»:

«Դեկտեմբերի ընտրություններով ֆիքսվեց, որ իշխող կուսակցությունը վայելում է հանրության 70 տոկոսի վստահությունը. ինչպիսի՞ն է պատկերն այսօր» հարցին ի պատասխան՝ հետազոտական կենտրոնի ղեկավարն ասաց. «Մենք այդ հարցը կանխատեսել էինք, և քանի որ ի սկզբանե նախատեսված էր ընտրություններն իրականացնել մայիսին, փորձել ենք հասկանալ՝ եթե ընտրություններն անցկացվեին մայիսին, ինչպիսի պատկեր կլիներ: «Եթե հաջորդ կիրակի տեղի ուենան խորհրդարանական ընտրությունները, Դուք ո՞ր կուսակցությանը կամ կուսակցությունների դաշինքին կտաք ձեր ձայնը: Պատկերը հետևյալն է՝ «Իմ քայլը» կուսակցությունների դաշինքին՝ 60%, «Բարգավաճ Հայաստան» կուսակցություն՝ 11,9%, «Լուսավոր Հայաստան» կուսակցություն՝ 4,6%, Հայաստանի Հանրապետական կուսակցություն՝ 1,6%, Հայ Յեղափոխական Դաշնակցություն կուսակցություն՝ 1,6%, «Սասնա ծռեր» համահայական կուսակցություն՝ 1,1%, «Քրիստոնեադեմոկրատական վերածնունդ» կուսակցություն՝ 0,4% և «Մենք» կուսակցությունների դաշինք՝ 0,3%»:

 

Մանրամասները՝ տեսանյութում։

  • Դիտումներ՝ *