«Ռոբերտ Քոչարյանը միշտ ղեկավարվել է այն սկզբունքով, որ ամեն ինչ կարելի է գնել, այդ թվում նաև՝ քաղաքական ախոյաններին»,- «Առաջին լրատվական»-ի հետ զրույցում ասաց քաղաքագետ Վիգեն Խաչատրյանը՝ հավելելով, որ այդ մարդը որոշակի քաղաքական պատրաստվածություն չուներ:
Մեր զրուցակցի խոսքով՝ Ռոբերտ Քոչարյանը 10 տարի ղեկավարեց Հայաստանում և հասարակության համար դարձավ ատելի. «Որովհետև նրա օրոք այլասերումը խորացավ բոլոր ոլորտներում՝ գումարած այն, որ նա ցուցադրաբար հարստանում էր»:
Վիգեն Խաչատրյանը նշեց, թե իրեն քիչ է հետաքրքրում, թե նրան ինչ խստությամբ կդատապարտեն. «Ցավալին այն է, որ նա չի զղջում: Չի կարելի այդ աստիճանի չսիրել սեփական ժողովրդին»:
«Ես համարում եմ, որ հիմա ինքը անձնական մեծ ողբերգություն է ապրում, որի համար ես մարդկայնորեն ցավում եմ, բայց որպես քաղաքացի՝ հասկանում եմ, որ դա արդար է և պետք է լինի անխուսափելի, որպեսզի չկրկնվի»:
Հարցազրույցն ամբողջությամբ՝ տեսանյութում:
