Թբիլիսիի կենտրոնում՝ խորհրդարանի շենքի առջև տեղադրել են Վրաստանի ներքին գործերի նախարար Գեորգի Գախարիայի կիսանդրին։ Դրա վրա կոճակ կա, որը սեղմելիս քաղաքական գործիչը սկսում է ներողություն խնդրել։ Ակցիան կազմակերպել է քաղաքացիական ակտիվիստների խումբը։ Նպատակն է՝ հիշեցնել խոստումների մասին, որոք ՆԳ նախարարը հնչեցրել է մեկ տարի առաջ՝ բազամահազարանոց բողոքի ակցիայի մասնակիցների առջև, հաղորդում է «Ռուսթավի-2» հեռուստաալիքը։
«Անցած տարի մեզ մոտ շատ մեծ բողոքի ակցիա տեղի ունեցավ, որը վերջին հաշվով ավարտվեց նրանով, որ մենք նախարարից մի քանի խոստում ստացանք։ Ուղիղ մեկ տարի է անցել, իսկ այդ խոստումներն այդպես էլ չեն իրականացվել։ Համապատսխանաբար, դրանց մասին ևս մեկ անգամ հիշեցնելու համար, մենք այստեղ նախարարի կիսանդրին ենք տեղադրել, որը ներողություն է խնդրում։ Ինչպես նախարարի ներողության պարագայում, այս ներողությունից ևս ոչինչ չի փոխվում»,-ասել են ակտիվիստները։
