«Հանրային ռադիոյի սպառողը պրոգրեսիվ քաղաքացին է: Ռադիո լսում են նաև աշխատանքի ժամանակ, ռադիոն աշխատող մարդու լրատվամիջոցն է»,- այս մասին «Առաջին լրատվական»-ի հետ զրույցում ասաց Հանրային ռադիոյի նորընտիր գործադիր տնօրեն Գարեգին Խումարյանը: Նա նաև ընդգծեց, որ հանրային ռադիոն պետք է դառնա այնքան լավը, որ լոկոմոտիվ դառնա դաշտի մյուս խաղացողների համար:
Անդրադառնալով դիտարկմանը, որ ռադիոն շատերի կարծիքով մեռնող ժանր է, Գ. Խումարյանը հակադարձեց՝ ընդգծելով, որ հակառակը՝ ռադիոն վերածնունդ է ապրում: «Ռադիոն լրատվամիջոց, է որը փոխանցում է ձայն: Թե այդ ձայնը կգնա FM տիրույթում՝ անալոգային ազդակով, կգնա թվային ազդակով, կփոխանցվի մալուխով, թե սմարթֆոնով, չի դադարում ռադիո լինելուց: Աշխարհում երիտասարդները վերադառնում են դեպի ձայնային ինֆորմացիայի սպառման մշակույթ: Օրինակ՝ ԱՄՆ-ում ամեն տարի ֆանտաստիկ տեմպերով աճում է աուդիոփոթքասթինգի շուկան, կան բազմաթիվ հարթակներ, որոնց գները արագորեն աճում են: Ռադիոն ոչ թե մահանում է, այլ ռենեսանսի մեջ է»:
Լրատվական դաշտում տիրող շիլաշփոթի վերաբերյալ Հանրային ռադիոյի գործադիր տնօրենը նշեց. «Դեմոկրատիան այլ կերպ չի լինում, կա՛մ այսպիսին է, կա՛մ չկա: Ես չեմ կարծում, որ մեր երկրում կլինի որևէ մարմին, որևէ պաշտոնյա կամ պետական կառույց, որը լիազորված կլինի և կկարողանա խելքի բերել լրատվական դաշտը»:
Մանրամասն՝ տեսանյութում: