Կան փոփոխություններ, որոնք պետք է արձանագրենք, բայց մեր քաղաքական ուժը և մեր առաջնորդ Ծառուկյանը բազմիցս նշել ենք, որ տնտեսական հեղափոխության ոճը, որը ակնկալում էինք չի համընկնում մեր տեսակետների հետ: Այս մասին այսօր «Առաջին լրատվական»-ի հետ զրույցում նշեց ԲՀԿ խմբակցության պատգամավոր Միքայել Մելքումյանը:
«Առայժմ չի ստեղծվել այն պետական կառույցը որը պետք է զբաղվի ներդրումներով: Այսօր փաստացի ներդրումների ծավալը նվազել է: Տնտեսական հեղափոխությունը իրերի վիճակի մեջ փոփոխությունն է»,-նկատեց Մելքումյանը:
Հարցին ԲՀԿ-ն շարունակում է աջակցել իշխանությանը, հաշվի առնելով վերջին շրջանի հայտարարությունները՝ վերջինս նշեց․ «Մենք աջակցում ենք այն ծրագրին, որը հետհեղափոխական շրջանում հայտարարվել է: Այն ձևը, որը վարում է կառավարությունը տնտեսական հեղափոխության համար, մեր ծրագրին չի համընկնում»:
