Բրիտանական Financial Times հայտնի պարբերականում հրապարակվել է 《Թուրքիան ծանրորեն հեռանում է ժողովրդավարությունից》խորագրով հոդվածը։ Դրանում ասվում է, որ հունիսի 23-ին կայանալիք Ստամբուլի քաղաքապետի ընտրությունները հղի են Թուրքիայի համար վտանգով։
Այսպես, կայանալիք ընտրությունները երկրում կարող են մեծացնել քաղաքական քաոսի հավանականությունը՝ չնայած որ դա ևս մեկ հնարավորություն է նախագահ Ռեջեփ Թայիփ Էրդողանի և նրա 《Արդարություն և զարգացում》կուսակցության համար։
Նախ, թուրք ժողովուրդը կարող է կորցնել հավատը արդար և ժողովրդավարական քաղաքականության հանդեպ։ Բացի այդ, կնվազեն ներդրումները, ինչը բացասական ազդեցություն կունենա թուրքական լիրայի և տնտեսության վրա։
