«Մամուլի հետ սուրճ» հաղորդման մայիսի 10-ի հյուրը «Առավոտ» օրաթերթի լրագրող Գոհար Հակոբյանն է։
Մեր զրուցակիցն անդրադարձավ վարչապետ Նիկոլ Փաշինյանի՝ հեծանիվով աշխատանքի գնալու հանգամանքին և նշեց.«PR տեսանկյունից շատ հետաքրքիր էր, բայց միայն այդ տեսանկյունից։ Նախ հեծանվով գնալ, իսկ հետևից մեքենաներ՝ այլ կերպ է ընկալվում։ Եվ հետո՝ հեծանվորդների համար մենք հատուկ ճանապարհներ չունենք, բայց, ինչ խոսք, սիրուն է»։
Խոսեցինք նաև գեորգևյան ժապավենների մասին, Գոհար Հակոբյանը նկատեց.«Դա խայտառակություն էր, նույնանման ակցիաներ եղել են նաև Ադրբեջանում, նույնիսկ Կրեմլում անեկդոտներ են շրջանառվում՝ Ադրբեջանու՞մ են ավելի շատ գեորգևյան ժապավեններ փակցրել պաշտոնյաներն իրենց կրծիքն, թե՞ Հայաստանում։ Ծիծաղելի կլիներ, եթե այսքան տխուր չլիներ…Նժդեհը՝ գեորգևյան ժապավենով»։